Maður er nú ekkert að standa sig frekar en fyrri daginn hér.

Samt í sjálfu sér frá nógu að segja. Ég er komin í nýja vinnu og ný flutt svo það er búið að vera nóg að gera. Er samt að verða búin að koma okkur fyrir. Við fengum íbúð í Grafarvoginum, rétt hjá leikskólanum hans Antons sem er rosa hentugt. Nýja vinnan er æðisleg, æðislegt fólk að vinna þar og ég vona bara að ég verði þarna næstu 10 árin eða svo

Ég kíkti í bæinn á laugardaginn með Mary og Elvari að skoða mannlífið og flugeldasýninguna. Það var rosa fínt. Við tókum rölt um bæinn eftir flugeldasýninguna og sáum slagsmál og skemmtileg heit. Kíktum inn á Celtic Cross og hittum Tryggva frænda í smá stund, það var nú ekki leiðinlegt

Ég held samt að ég láti þetta duga í bili.

Bless bless Kornflex 

Jæja gott fólk, á maður að segja frá síðustu helgi.

Ég fór á Hólmavík á ættarmót og komst að því að familían er ekkert minna skrýtin en síðast. Það var farið inn að Kleifum í Kaldbaksvík þar sem afi og amma bjuggu og skoðað sig um þar. Bærinn stendur ekki lengur en þarna eru sumarhús í staðinn. Planið var að labba upp á Kaldbakshornið en sökum þoku...og já að sjálfsögðu þynku hjá nokkrum varð ekki af því enda hefði lítið sést niður. Í staðinn var ákveðið að fara inn að Byrgisvík þaðan sem afi Jósteinn var. Enginn er bærinn þar heldur lengur en bæjartóftirnar eru þarna svo maður getur séð hvar voru hús. Við Anton löbbuðum að þeim og skoðuðum, fljótlega þurfti minn sonur að komast á salerni til að skila stykkjunum sínum svo við löbbuðum af stað uppeftir að bílunum aftur, hann var orðinn svo þreyttur þessi elska að þegar við vorum hálfnuð á leiðinni til baka og mamman orðin eilítið þreytt á að hlusta á vælið sagði hann "mamma, við skulum aldrei fara þangað aftur" greynilega ekki vel upp lagður í svona þessi elska.

Um kvöldið var svo komið saman í bragganum á Hólmavík og krakkarnir sáu um skemmtiatriði. Minn sonur og Björgvin frændi létu sig sko ekki vanta í það fjör og sýndu sína hæfileika í næstumþvíhandahlaupum og hoppum og skoppum. Teknar voru alskyns hópmyndir og mikið fjör þarna. Partýið færðist svo upp á tjaldstæði þegar líða tók á og koma þurfti börnunum í háttin. Að sjálfsögðu var áfengi haft um hönd og hefur það misjöfn áhrifin á fólkið. Tryggvi frændi tjáði öllum sem heyra vildu að ef kvenfólkið hér væri ekki skylt honum myndi hann reyna við það. Hann lánaði mér vetlingana sína, Hólmfríði systir peysuna sína og hann og Rabbi pabbi hans hlýjuðu okkur vel og vandlega þegar okkur var orðið kalt... TR stákar Trrrrr og okkur verður aldrei kalt aftur... Það var skorað á Hörpu frænku að toppa rappið hans Heiðars frá því á síðasta ættarmóti þeirra þar sem hún gerði svo mikið grín að hans, hún ákvað að taka því fyrir þá sem nenntu að vaka eftir því til klukkan 5 um nóttina. Að sjálfsögðu vöktum við Hólmfríður, Tryggvi, Rabbi, Ísak og fleirri eftir því, allt tekið á videó fyrir þá sem ekki gátu vakað sökum elli. Tryggvi og Rabbi ákváðu að koma og kúra hjá okkur Hólmfríði þegar við vorum farnar að sofa, það eina sem var slæmt við það var að vindsængin var bara ein og hálf breidd og við vorum semsagt 4 á tímabili og hver haldiði að hafi orðið undir... auðvitað ég, Rabbi sá mig bara ekki undir sænginni svo ég hélt niðri andanum þar til hann klöngraðist út aftur.

Morguninn eftir var misgott ástandið á liðinu og vel hægt að hlæja að sumum. Við Ella Magga og Birgitta ákváðum að vera lengur í útilegu með krakkana á Hólmavík og hittum því alla daginn eftir, gátum skemmt okkur aðeins yfir þessum þunnu að taka saman og svona, aldrei verra það. Við héldum svo heim daginn eftir og haldiði ekki að ævintýrið hafi haldið áfram þar. Við vorum rétt lagðar af stað heim, ákváðum að fara Tröllatunguheiðina heim. Birgitta fór fremst, svo kom ég og Ella Magga aftast af því að hún var með tjaldvagn. Við vorum rétt að byrja að keyra upp á heiðina þegar ég sá að Ella Magga var ekki fyrir aftan mig svo ég hægði á mér til að sjá hvort hún kæmi ekki en aldrei kom hún svo ég stoppaði og sá þá að hún var stopp á miðjum veginum og búin að losa tjaldvagninn frá. Ég beið smá til að sjá hvað hún væri að gera en þar sem hún labbaði bara fram og til baka á veginum snéri ég við og fór til hennar. Haldiði ekki bara að tjaldvagninn hennar hafi brotnað í sundur!!!!! Við urðum að kalla til Guðmund hennar Sissu frænku til að kíkja á þetta. Tjaldvagninn var tættur í sundur og hlutar af honum fluttir inná Hólmavík til að verða soðið saman aftur áður en hún gat haldið ferðinni áfram.

Við Anton fórum á undan en Birgitta og stelpurnar urðu eftir með Ellu Möggu.

Nú erum við Anton komin í sæluna til Mömmu og co svo ég læt þetta duga í bili.

Jæja á maður ekki bara að halda sig við að vera latur að skrifa hérna

Ég er í sumarfríi núna og finnst það bara nokkuð ljúft ef ég á að segja eins og er. Fór til Danmerkur í 10 daga og verlsaði frá mér vitið ég sver það. Var í Sönderborg í 7 daga hjá Úrsúlu vinkonu minni og Steina manninum hennar. Við skoðuðum Sönderborg, fórum til Flensborgar í Þýskalandi og skoðuðum stóra stóra mollið í Kolding. Fórum í Danfoss universe og skoðuðum Höllina og Dyböll mylluna í Sönderborg. Fannst þetta allt saman æði og hlakka strax til að heimsækja þau aftur þó líkur séu á að það gerist ekki fyrr en eftir 2 ár

Ég var svo í Köben í 3 daga hjá henni Agnesi frænku og fannst það líka æði. Við skoðuðum strikið svolítið, og svo aðeins meira hehe. Tókum annað rölt að kvöldi til og rákumst þar á íslenska stelpu sem heyrði okkur tala saman og spurði þeirrar kjánalegu spurningu "eruð þið íslendingar?" Agnes greynilega fengið þetta aðeins of oft svaraði bara "við vorum allavega að tala íslensku" Ég seinheppin með orð eins og alltaf fattaði of seint að maður hefði náttúrulega bara átt að setja upp sama ljóskusvip og hún og segja "já, en þú???"  Ég hitti Mary og Elvar á laugardeginum, síðasta deginum mínum í Köben og skoðaði strikið aðeins betur með þeim, ætlaði ekkert að versla en hreinlega ræð ekki við mig þegar ég er í útlöndum ég sver það.

Ég flaug svo heim kl 8 frá Köben á sunnudagsmorgni og var komin á klakann kl 9. Sótti Anton rétt upp úr hádegi og knúsaði hann í bak og fyrir allan þann daginn. Við fórum á leikvöllinn hérna rétt hjá og lékum soldið. Á þriðjudaginn fórum við svo og hittum Ínu og Danna og vorum með þeim allan daginn. Fórum á leikvöll og á leikskóla sem var í sumarfríi, þeir gaurar voru báðir á hjólum og skemmtu sér stórvel. Við fórum svo í ísbúðina í álfheimum og fengum okkur ís, fórum smá rúnt í laugardalinn með smá stoppi á lóðinni hjá Langholtsskóla.

Ellen og Silja Sjöfn komu svo til okkar um kvöldið og gistu um nóttina.

Um helgina á að skella sér á ættarmót á Hólmavík og svo á að vera í áframhaldandi útilegu þar sem sólin verður með frænkum.

Held ég láti þetta gott heita í bili.

Jóna

Komin með nýtt blogg allavega í bili, er að prófa myspace.

Slóðin er http://www.myspace.com/jonapg endilega kíkið og tjáið ykkur 

Bara varð að deila þessu, ef einhver veit hvernig ég get sett þetta í link hérna til hliðar, endilega tjáið ykkur, nenni ekki að reyna að finna út úr því

About You
Full Name	Jóna Petra Guðmundsdóttir
Birthdate	28 júní
Birth Place	Keflavík
Current Location	Reykjavík
Eye Color	Blágrá
Hair Color	Brúnt
Height	162
Piercings	í Eyrunum
Tattoos	eitt
Boyfriend/Girlfriend	neibbs
Favorite
Food	Jólamaturinn
Color	Gulur og grænn eins og er
Candy	SÚKKULAÐI
Number	8
Animal	hvolpar
Drink	vatn
Alcholic Drink	baileys
Bagel	?
Letter	A
Part of Opposite Sex's Body	allt
Sport	búðarrölt
Place	Köben
Band	Fall out boy og All American Reject koma sterkir inn
Person	þú
Actor/Actress	Natalie Portman
Car	Toyota Avensis
Video Game	Super mario 3
This or That
Pepsi or Coke	Coke ef ég verð að velja
Chocolate or Vanilla	bæði
Hug or Kiss	Bæði
Dog or Cat	hund
Summer or Winter	sumar
Rap or Rock	Rock
Your
Bedtime	of seint
Most Missed Memory	lofið mér að hugsa smá
Best Psyical Feature	ætli ég verði ekki að segja hnakkinn
Fear	úfff það er svo margt, myrkur til dæmis
Longest Relationship	rúm 3 ár
Have You Ever
Drank	já
Smoked	nei
Done Drugs	nei
Been Drunk	já
Been Beaten Up	nei
Beaten Someone Up	nei
Shoplifted	nei
Skinny Dipped	nei
Been Dumped	já
Dumped Someone	já
In A Girl/Guy
Eye Color	blá eða brún eða græn eða...
Hair Color	dökkt eða ljóst eða rautt eða...
Hair Length	helst í styttri kantinum sko
Tattoos	alveg sama
Piercings	kanski ef það er bara lítið
Does Drugs	nei
Drinks	já ef það er í hófi
Build	bara svona fremur normal
Looks or Personality	sambland af báðu takk
Random Things
What Country Would You Like To Visit	ohh helst öll en ef ég þarf að velja eitt þá Ítalía
How Do You Want To Die	í svefni helst
Been To The Mall Lately	jámms, í dag
Do You Like Thunderstorms	já ef ég er innandyra
How Many Cds  DO You Own	veit það ekki en ekki marga
What Kind Of Music Do You Like	get hlustað á flest
Do You Get Along With Your Parents	já
Do you Smoke	nei
Do you Drink	af og til en frekar sjaldan
Are You A Health Freak	nei
Do You Think Youre Attractive	æjj ég veit það ekki, suma daga, aðra ekki
Belive In Yourself	svona passlega lítið
Where Do You See Yourself In 2 Years	vonandi í góðri vinnu á góðum stað
5 Years	í einhverju útlandinu að skoða mig um
Do you Shower Daily	oftast
Have You Ever Been In Love	já
Do You Sing	NEI
Do You Want To Get Married	já einhverntíman
Do You Want To Have Kids	haha já, á nú þegar eitt
Did You Ever Have A Crush	já
Have You Ever Kissed The Same Sex	nei
Talk Alot	Ó JÁ
CREATE YOUR OWN! - or - GET PAID TO TAKE SURVEYS!

Hæhæ allir saman.

Þrátt fyrir langvarandi, enn yfirstandandi veikindi á heimilinu er mín að farast úr hamingju í dag Ég var í prófi í gær í handfærðu bókhaldi og haldiði ekki að mín hafi náð sér í einkuninna 9,7 Nú er bara tölvubókhaldið eftir og tekur það 3 vikur, svo er mín barasta búin 

Annars er það að frétta að ég er enn heima með stráksa, hann er nú samt allur að koma til, það er smávegis hósti í honum ennþá en annað ekki. Ég hugsa að hann fái að fara í leikskólann ekki seinna en á fimmtudag. Ætla soldið að meta stöðuna í dag hvort hann fái að fara á morgun. Hann á að fara til eyrnalæknisins síns á morgun og svo í skoðun til læknisins sem skoðaði hann síðast til að athuga hvort hann sé orðinn góður af lungnabólgunni, sem við vonum að sjálfsögðu. Þvílíkur munur sem það verður að komast aftur út á meðal fólks 

Held ég láti þetta duga í bili.

Kveðja Jóna gáfnaljós  

Ég er farin að hallast að því að þetta eigi engan endi að taka. Elskulegur sonur minn greyið er bara veikur þessa dagana. Hann fékk inflúensu um daginn og var heima í 10 daga. Fékk að fara á leikskólann á öskudaginn og 2 daga þar á eftir. Svo á laugardaginn fór hann í pössun til pabba af því að ég var að fara í skólann og svo á árshátíð. Hann gisti þar um nóttina. Svo kom ég að sækja hann á sunnudaginn og ætlaði sko heldurbetur í heimsóknir en nei vinkona, ekki alveg. Stráksi kominn með 38°c þá og hækkaði bara eftir því sem leið á daginn. Við vorum því heima í gær og fór með hann til læknis kl4 og stráksi bara kominn með í annað lungað, settur á sýklalyf og heima allavega þessa vikuna  Það þýðir lítið að gefa honum greyinu hitastillandi því hann ælir því bara svo ég er svolítið ráðþrota með það.

En nóg um það, ég var á árshátíð á laugardaginn og skemmti mér bara vel. Skólinn er alveg að gera sig, búin með verslunarreikninginn og fékk 8 bara nokkuð sátt með það.

Var að skoða fasteignavefinn, það er ekki laust við að maður láti sig dreyma um að eignast sitt eigið einn góðan veðurdag. Rakst þar á húsið sem ég ólst upp í, s.s neðri hæðina og það er ekki laust við að mann langi í hana. 

En jæja, held ég láti þetta duga í bili.

Keðja Jóna draumóramanneskja með meiru  

Hæhæ allir saman.

Maður er nú ekki beint að standa sig hér frekar en fyrri daginn.

Eins og flestir sennilega vita fór ég til London í byrjun mánaðarins og það var auðvitað bara geggjað. Ég verslaði frá mér allt vit og rúmlega það, varð að kaupa mér stærri ferðatösku og alles. Við tókum heilan dag í að túristast um alla London og það var æði. Við byrjuðum á að skoða St.Pauls Cathedral sem er bara snilld. Síðan fórum við í Madame Tussauds safnið og skoðuðum fræga fólkið. Eftir það fórum við í Sightseeing bus og rúntuðum um London á opinni efrihæð á rauðri rútu og skemmtum okkur konunglega. Við sátum þarna þar til við vorum orðin svo frosin að við gátum varla heyft á okkur augun, þá hoppuðum við út um leið og við sáum moll, ég keypti mér kápu þar og Mona keypti sér peysu. Við fengum okkur að borða og fórum svo upp á hótel. Um kvöldið fórum við svo á We will rock you showið og það var geggjað.

Daginn eftir fór ég á Oxford að versla á meðan liðið ætlaði í London Dungeon (ég þorði ekki þangað) og á stríðsminjasafn. En af því að röðin í London Dungeon var svo löng þá komu þau frekar fljótt aftur og við skelltum okkur í London Eye. Á sunnudeginum var svo rúntað aðeins í lestinni og farið til Hammersmith sem er hverfi í London þar sem er verslun sem heitir Primark og þvílíka snilldin maður, það kostar EKKERT að fata barnið upp þar. Þar var tekið verslunaræði dauðans á meðan strákarnir drukku bjór og horfðu á fótbolta. Við Mona keyptum okkur báðar nýjar ferðatöskur þar til að rúma allt sem við versluðum 

Annars er það að frétta að það sem af er þessari viku er ég búin að vera heima með prinsinn því hann er bara bullandi veikur. Hann vaknaði á sunnudag með mjög ljótan hósta, vaknaði á sunnudagsnóttina ælandi og fékk svo hita í gær sem bara hækkar ekki gott það.

Held ég láti þetta duga í bili.

Kveðja Londonfarinn æðislegi  

Gleðileg jól allir saman og hafið það sem allra best um hátíðirnar.

Kveðja Jóna

Jólastressið er nú ekkert alveg að fara með fólkið hér á bæ get ég sagt ykkur, á bara eftir að pakka inn 2 gjöfum, versla smávegis í ísskápinn og taka svolítið til. Mér þykir það nú bara nokkuð gott miðað við að það er bara 21 des

Strákurinn er orðinn alveg góður af hlaupabólunni og slapp bara nokkuð vel frá henni miðað við marga. Hólmfríður er farin austur til mömmu en við Anton ætlum að skella okkur um áramótin.

Ég fór í klippingu til Sigurborgar frænku í fyrradag og hvað haldiði, mín endaði bara með topp og læti Annars hef ég frekar lítið að segja svo ég læt þetta duga í bili.

Jæja gott fólk, tóm gleði framundan hér á bæ, prinsinn er kominn með hlaupabóluna 17 dögum fyrir jól Spurning hvernig blessaðar jólamyndirnar verða, ekki að það er nú svosem margt verra en þetta svo ég skal ekkert kvarta meira

Annars er það að frétta af mér að ég er barasta á leið til London í febrúar og bíð sko meira en spennt eftir því. Við förum fjögur saman og verðum í 5 daga og jiiiiii hvað ég hlakka til, þetta verður æði

Annars er allt fínt að frétta af mér. Ég fór í fertugsafmæli til bróður hennar mömmu um síðustu helgi og var það bara mjög gaman. Hitti alla móðurfjölskylduna sem ég geri annars allt of sjaldan Á sunnudaginn skelltum við Hólmfríður og Anton okkur suður með sjó, mamma og systur hennar hittust heima hjá Boggu og bjuggu til kransa og skreytingar á leiðin hjá ömmu og langafa og langömmu. Við Hólmfríður og Anton kíktum fyrst út í Hvalsneskirkjugarð á afa og ömmu. Það hafði greynilega gengið mikill stormur þar yfir því englar og annað skraut lá á hliðinni hér og þar og sumt var brotið við renndum í gegnum Sandgerði og stoppuðum í kaupfélaginu, ég keypti jólaskraut þar ekki veitir af. Við fórum svo inn í Keflavík til Boggu. Okkur vantaði föndur svo við fórum í Húsasmiðjuna og keyptum í aðventu"krans" og ég bjó til einn voða sætan með svolítilli hjálp frá Rögnu frænku.

Jæja, ég held ég láti þetta duga í bili, skrifa fljótt aftur.

Hæhæ allir saman.

Ég ætla alveg að byrja á kvabbi og kveini og klára það af áður en ég geri nokkuð annað   Ég er svo gjörsamlega búin í bakinu eftir daginn að það hálfa væri meira en hellingur Ég er búin að vera að taka skíði og bretti og alla fylgi hluti í pantanir í dag og þetta er bara slatta þung vara svo ég er bara dáin í bakinu. Til að toppa það svo þá fer auðvitað líka hellingur af húfum og vetlingum og allskyns léttri vöru en hún er í staðinn geymd efst uppi svo ég þarf að standa á tám til að ná kössunum og ekki lagast maður við það

Annars segi ég bara allt fínt. Ég og Lilja vinkona eigum miða á Leitin að jólunum fyrir okkur og börnin og hlökkum að sjálfsögðu mikið til að fara. svo á ég auðvitað líka miða á Rockstar tónleikana næsta fimmtudag og hlakka enn meira til að fara á þá

Ég ætla að vera með kaffiboð um helgina eins skondið og það hljómar. Tilefnið er ekkert annað en það að við stelpurnar í vinnunni sáum þessa líka girnilegu tertu utan á gestgjafanum í bónus um daginn og ég freistaðist til að kaupa blaðið. Við verðum að sjálfsögðu að fá að smakka þessa svakalegu tertu svo ég ætla að baka um helgina og bjóða þeim í tertu á sunnudaginn, það verður örugglega bara nokkuð gaman. Gefur manni líka góða ástæðu til að drattast af rassgatinu og fara að þrífa og gera fínt svo maður geti farið að skreyta fyrir jólin

En jæja, ætli ég láti þetta ekki duga í bili.

Þar til næst

Jæja, bara þvílíkt dugleg þessa dagana að blogga

Endilega kvittaðu fyrir ef þú skoðar svo ég viti hvort það skoðar yfirhöfuð einhver þetta bull mitt

Ég verð að byrja á að segja að ég hélt að ég myndi deyja úr hlátri í gær. Las á vísi að það var einhver sem spólaði svo mikið í gær við að reyna að losa bílinn sinn að það kviknaði í bílnum, held að það sé alveg spurning um að slaka aðeins á spólinu. Einhver óheppinn aðili var nálægt þessum bíl á sínum bíl og eldurinn barst á milli bílanna

Dagurinn í dag er búinn að vera fínn. Er búin að vera að vinna skíði og skíðastafi að mestu leyti og tíminn gjörsamlega flaug frá manni, svaka fljótur að líða. Elska svoleiðis daga. Ég labbaði mér í Bónus í hádeginu að versla mér að borða og var bara nokkuð stolt af því að hafa ekki flogið á hausinn hehe. Það var búið að moka allt planið í vinnunni og vá skaflinn sem er við endann, hann er svakalega stór er nokk viss um að margir krakkar myndu vilja gera snjóhús í honum. 

Ég sótti Anton svo bara á leikskólann eins og alla daga og við fórum heim. Pöntuðum okkur pizzu í kvöldmatinn megavika á Domino´s er bara snilld.

Nú er rúm vika í Rock star tónleikana og mig er alveg farið að hlakka smá til sko það verður örugglega geggjað gaman

Jæja, ég held alveg að ég láti þetta duga í bili